رب کولوں اساں غم خوار منگیا

Lyrics to ‘رب کولوں اساں غم خوار منگیا’:

پنجابی نعت
رب کولوں اساں غم خوار منگیا
رب کولوں رب دا ای یار منگیا

رب دی سونہہ رب وی نہ موڑ پائے گا
سوھنا جدوں اساں لئی ہتھ چائے گا
اپنے قانون سارے بھل جائے گا
رب کولوں جد سرکار منگیا

رب نیں خزانیاں دا منہ کھولنا
رج رج رحمتاں دا مینہ ڈوہلنا
عمل اسا ڈے فیر نیئیں تولنا
رب کولوں جدوں دلدار منگیا

حشر دہاڑے کوئی سنے گا نہ گل
سارے نبی تکن گے مدنی دے ول
اللہ آپے کرنیاں مُشکلاں حل
نبیاں دے جدوں سردار منگیا

کسے دا احسان نیئیں چکنا پیا
نظراں نوں کدی وی نیئیں جھکنا پیا
در در اونوں نیئیں رلنا پیا
طیبہ وچوں جنھے اک وار منگیا

عمل تے پلے اساں رکھدے نیئیں
رب کولوں آپے منگ سکدے نیئیں
رب دی سونہہ اساں اک ککھ دے نیئیں
منگنے دا اساں حقدار منگیا

Leave a Reply

Your email address will not be published. Required fields are marked *

error: Content is protected !!