امام الانبیا تم ہو رسولِ مجتبیٰ تم ہو


Imam Ul Ambiya Tum Ho Rasool E Mujtaba Tum Ho

امام الانبیا تم ہو، رسولِ مجتبیٰﷺ تم ہو
جو سب کے پیشوا ہیں اُن کے آقا ﷺ ، پیشوا تم ہو

حقیقت آپ کی سمجھیں تو کیا سمجھیں خِرد والے
خدا والے یہ کہتے ہیں خدا جانے کہ کیا تم ہو

تمہاری واقعی توصیف ہم سے غیر ممکن ہے
کہ ہم جو کچھ کہیں اُس سے حقیقت میں سوا تم ہو

خدا دیتا ہے تم تقسیم کرتے ہو زمانے کو
میانِ خالق و مخلوق محکم واسطہ تم ہو

مجھے پرواہ نہیں موجیں اُٹھیں طوفان آجائیں
شکستہ ہے اگر کشتی تو غم کیا، نا خدا تم(ﷺ) ہو

وہ کعبہ ہے جہاں سر جھک رہے ہیں ا ہلِ عالم کے
مگر کعبہ بھی جس کے سامنے خم ہو گیا، تم ہو

دلِ تحسینؔ سے غم کی گھٹائیں چھٹ گئیں آقا ﷺ
سنا ہے جب سے اُس نے شا فعِ روزِ جزا تم ہو


صدر العلماء حضرت علامہ محمد تحسین رضا خاں بریلوی رحمۃ اللہ تعا لٰی علیہ

image_pdf ⇒ ⇒ Download PDF Format ⇐ ⇐image_print ⇒ ⇒ Print Naat Lyrics ⇐ ⇐

Leave a Reply

Your email address will not be published. Required fields are marked *

امام الانبیا تم ہو رسولِ مجتبیٰ تم ہو

error: Content is protected !!