دل اللہ نالے اللہ دے حبیب نال جوڑ


پنجابی نعت
دل اللہ نالے اللہ دے حبیب نال جوڑ
مَل اکو ای دوارا باقی سب در چھوڑ

دلا میریاں توں سن اج سچیاں گلاں
کدی چھڈ کے تے ویکھ در در منگناں
کِرے بہہ کے کلیاں ایہہ سوچ تے ذرا
جیہڑے آپ منگتے اوتھوں کی لبھناں
اُٹھ اپنے بنائے سارے چوٹھے بت توڑ
مَل اکو ای دوارا باقی سب در چھوڑ

جدوں آوے کوئی تھوڑ سوھنے نبی کولوں منگ
جِنا مرضی اے منگ دِلا ذرا وی نہ سنگ
پَھڑ لڑ سخی سوھنے لجپال شاہ دا
ہُن اپنی حیاتی اوہدے رنگ وچ رنگ
تینوں ہور کسے پاسے نیئیں تکنے دی لوڑ
مَل اکو ای دوارا باقی سب در چھوڑ

ویکھ رب دے خزانے سارے سوھنا ونڈدا
ہر اک دیاں آساں تے امیداں رنگدا
سوھنا رحمتاں دی بارشاں وساندا رج کے
توں وی چل پہلے ہلَے نیئیں وساہ دم دا
سوھنا اینا کجھ دیندا اے نیئیں رہندی کوئی تھوڑ
مَل اکو ای دوارا باقی سب در چھوڑ

image_pdf⇒ ⇒ Download PDF Format ⇐ ⇐image_print⇒ ⇒ Print Naat Lyrics ⇐ ⇐

Leave a Reply

Your email address will not be published. Required fields are marked *

دل اللہ نالے اللہ دے حبیب نال جوڑ

error: Content is protected !!