وجہِ تخلیقِ دو عالم


Wajhe Takhleeq E Do Aalam

وجہ تخلیقِ دو عالم

وجہِ تخلیقِ دو عالمﷺ، عالم آرا ہو گیا
آج دنیا کو غمِ دنیا گوارا ہو گیا

ڈوبنے والے نے اُن کا نامِ نامی جب لیا
موج ساحل بن گئی طوفاں کنارا ہو گیا

اللہ اللہ نشۂ صہبائے الفت کا سُرور
دل کی آنکھیں کُھل گئیں اُن کا نظارا ہو گیا

مرحبا اے وسعتِ ذ یلِ خطا پوشِ نبیﷺ
عاصیوں کو منہ چھپانے کا سہارا ہو گیا

شوق سے مجھ کو فرشتے لے چلیں سوئے جحیم
میں نہ بولوں گا اگر اُن کو گوارا ہو گیا

بس ابھی ہوتے ہیں طے یہ نیک و بد کے مرحلے
آپﷺ یہ فرما تو دیں تحسیؔں ہمارا ہو گیا


صدر العلماء حضرت علامہ محمد تحسین رضا خاں بریلوی رحمۃ اللہ تعا لٰی علیہ

image_pdf ⇒ ⇒ Download PDF Format ⇐ ⇐image_print ⇒ ⇒ Print Naat Lyrics ⇐ ⇐

Leave a Reply

Your email address will not be published. Required fields are marked *

وجہِ تخلیقِ دو عالم

error: Content is protected !!